Материалдық-техникалық қамтамасыз ету басқармасы, 010000, Астана қ., Есіл ауданы, Мәңгілік Ел даңғылы, 8 үй, Министрліктер үйі, 12 кіреберіс, анықтама телефоны (7172) 74-74-68 kadry.hozu@umto.gov.kz, Материалдық-техникалық қамтамасыз ету басқармасының бос мемлекеттік әкімшілік лауазымына орналасуға жалпы конкурс жариялайды.

Материалдық-техникалық қамтамасыз ету басқармасы қаржы-экономикалық басқармасының басшысы, С-3 санаты

Функционалдық міндеттері: Басқармаға жалпы басшылықты жүзеге асыру және оның қызметін ұйымдастыру, еңбек тәртібінің сақталуын, қызметкерлер арасында міндеттемелердің бөлінуін бақылау. Бюджетті әзірлеу, шығыстар сметасын құру, қаржы рәсімдері мен бюджеттік жіктеу бойынша нормативтік-құқықтық қамтамасыз ету мәселелері жөнінде әдістемелік басшылық етуді жүзеге асыру. Тиісті қаржы жылына, сондай-ақ алдағы 3 жылдық кезеңге республикалық бюджетті дайындау және оны орындау барысындағы жұмыстарға басшылық ету, ведомстволық қарасты кәсіпорындардың перспективтік даму жоспарларын, олардың экономикалық есептерін жасау, нормативтік құқықтық актілерін келісуді қамтамасыз ету. Ведомстволық қарасты кәсіпорындардың қаржылық менеджментін қамтамасыз ету. МТҚБ мен ведомстволық қарасты кәсіпорындардың қаржы-шаруашылық қызметіне экономикалық талдау жүргізу. Белгіленген мерзімде қаржылық есептіліктерді уақтылы және сапалы құрып, тиісті мемлекеттік органдарға тапсыру. Тапсырмалар бойынша материалдардың уақтылы дайындалуын жүзеге асыру, басқарма мәселелеріне қатысты хаттарды, кәсіпорындар ұсыныстарын қарау, сондай-ақ олар бойынша қажетті шараларды қолдану. Ведомстволық қарасты кәсіпорындардың құжаттамалық тексерісі бойынша және жетекшілік ету мәселелері жөніндегі кеңестер материалдарын қорытындылау және дайындау.

Орташа лауазымдық жалақысы: 422 437

Конкурсқа қатысушыларға қойылатын талаптар:

Жоғары немесе жоғары оқу орнынан кейінгі білім: Бизнес, басқару және құқық (экономика, есеп және аудит, қаржы, мемлекеттік аудит).

Мемлекеттік қызмет істері жөніндегі уәкілеттік органмен анықталатын тиісті санатқа арналған әкімшілік мемлекеттік лауазымдарға орналасуға үміткерлерді тестілеу бағдарламасында көзделген Қазақстан Республикасы заңнамасын; «Қазақстан Республикасының Парламенті және оның депутаттарының мәртебесі туралы» Қазақстан Республикасының конституциялық заңын, «Мемлекеттік мүлік туралы» Қазақстан Республикасы Заңын, Қазақстан Республикасының Бюджеттік кодексін және бюджетті жоспарлау бойынша  өзге де нормативтік құқықтық актілерді білуі.

Конкурсқа барлық қатысушыларға қойылатын жалпы біліктілік талаптары С-3 санаты үшін:

Жоғары немесе жоғары оқу орнынан кейінгі білім

жұмыс тәжірибесі келесі талаптардың біріне сәйкес болуы тиіс:

1) жұмыс өтілі бес жылдан кем емес, оның ішінде мемлекеттік органның штат кестесімен көзделген келесі төменгі санаттағы лауазымдарда немесе А-5, B-5, С-4, C-O-3, C-R-1, D-O-3, D-3 санаттарынан төмен емес лауазымдарда бір жылдан кем емес;

2) жұмыс өтілі бес жылдан кем емес, оның ішінде орталық не облыстық деңгейдегі құқық қорғау немесе арнаулы мемлекеттік органдардың немесе Қарулы Күштердің немесе әскери оқу орындарының әскери басқару органының жедел-тактикалық деңгейінен төмен емес лауазымдарында немесе судья лауазымында бір жылдан кем емес жұмыс өтілі;

3) осы санаттағы нақты лауазымның функционалдық бағыттарына сәйкес салаларда кемінде бес жыл жұмыс өтілі.

Құжаттарды қабылдау мерзімі: жалпы конкурс өткiзу туралы хабарландыру соңғы жарияланған күнінен бастап 7 жұмыс күні.

Жалпы конкурсқа қатысу үшін мынадай құжаттар тапсырылады:

1) Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2017 жылғы 21 ақпандағы № 40 бұйрығымен бекітілген «Б» корпусының мемлекеттік әкiмшiлiк лауазымына орналасуға арналған конкурсты өткiзу қағидаларының (бұдан әрі - Қағидалар) 2-қосымшасына сәйкес нысандағы өтініш (бұдан әрі - Өтініш);

2) 3х4 үлгідегі түрлі түсті суретпен көрсетілген Қағидаларға 3-қосымшаға сәйкес нысанда толтырылған "Б" корпусының әкімшілік мемлекеттік лауазымына кандидаттың қызметтiк тiзiмі;

3) білімі туралы құжаттар мен олардың көшірмелерінің нотариалдық куәландырылған көшірмелері;

"Болашақ" халықаралық стипендиясын иеленуші, сондай-ақ өзара тану және баламалылығы туралы халықаралық шарттардың қолдану аясына жататын Қазақстан Республикасының азаматтарына шетелдік жоғары оқу орындары, ғылыми орталықтары мен зертханалары берген білім туралы құжаттарды қоспағанда, Қазақстан Республикасы азаматтарының шетелдік білім беру ұйымдарында алған білімі туралы құжаттарының көшірмелеріне білім беру саласындағы уәкілетті орган берген аталған білімі туралы құжаттарды нострификациялау немесе тану куәліктерінің көшірмелері қоса беріледі.

"Болашақ" халықаралық стипендиясын иеленушілерге берілген білімі туралы құжаттарға "Халықааралық бағдарламалар орталығы" Акционерлік қоғамы берген Қазақстан Республикасы Президентінің "Болашақ" халықаралық стипендиясы бойынша оқуды аяқтау туралы анықтаманың көшірмесі қоса беріледі.

Өзара тану және баламалылығы туралы халықаралық шарттардың қолдану аясына жататын білімі туралы құжаттардың көшірмелеріне білім беру саласындағы уәкілетті орган берген аталған білімі туралы құжаттарды тану туралы анықтаманың көшірмелері қоса беріледі.

Жалпы конкурсқа қатысу үшін мемлекеттік қызметші және "Қазақстан Республикасының мемлекеттік қызметі туралы" 2015 жылғы 23 қарашадағы Қазақстан Республикасы Заңының 27-бабы 8-тармағы бірінші бөлігінде көрсетілген адам келесі құжаттарды тапсырады:

1) Өтініш;

2) тиісті персоналды басқару қызметімен құжат тапсырғанға дейін бір айдан аспайтын уақытта расталған қызметтік тізім.

Бұл ретте мемлекеттік қызметшілер "Е-қызмет" интегралды ақпараттық жүйесі арқылы құжаттарды тапсыра алады.

Әңгімелесу откізу орынымен мерзімдері: Материалдық-техникалық қамтамасыз ету басқармасы мемлекеттік қызметшілері арасындағы ішкі конкурсқа қатысатын және әңгімелесуге жіберілген кандидаттар оны кандидаттарды әңгімелесуге жіберу туралы хабардар ету күнінен бастап үш жұмыс күн ішінде Материалдық-техникалық қамтамасыз ету басқармасы, Астана қаласы,  Есіл ауданы, Мәңгілік Ел даңғылы, 8, Министрліктер үйі,  12-кіреберіс мекен-жайында өтеді.

Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушылар шақырылады.

Конкурс комиссиясының отырысына байқаушылар ретінде он сегіз жасқа толған Қазақстан Республикасының азаматтары, оның ішінде мемлекеттік қызмет істері жөніндегі уәкілетті органның (бұдан әрі – уәкілетті орган) жұмыскерлері қатыса алады.

Байқаушы ретінде конкурс комиссиясының отырысына қатысу үшін адам әңгімелесу басталғанға дейін екі сағаттан кешіктірмей персоналды басқару қызметін (кадр қызметін) хабардар етеді.

Конкурсқа қатысушылар мен кандидаттар уәкілетті органға немесе оның аумақтық бөлімшесіне, не Қазақстан Республикасының заңнамасына сәйкес сот тәртібінде конкурс комиссиясының немесе персоналды басқару қызметінің (кадр қызметінің) шешіміне шағымдана алады.

----------------------------------------------------------------------------------------------------------------------------------------------------------------------------------------------------------------------------------------------------------------------------------

Материалдық-техникалық қамтамасыз ету басқармасы «Материалдық-техникалық қамтамасыз ету басқармасының автошаруашылығы» республикалық мемлекеттік кәсіпорны директоры лауазымының бос орнына конкурс жариялайды. 

«Материалдық-техникалық қамтамасыз ету басқармасының автошаруашылығы» РМК мына мекенжайда орналасқан: 010000, Астана қаласы, Нұра ауданы, Е-128 көшесі, 16Б ғимараты. Анықтама телефоны (7172) 74-74-68, , (7172) 74-74-60.

Кәсіпорынның негізгі қызметі – Қазақстан Республикасы Парламентіне, мемлекеттік басқару органына автокөлік қызметі саласындағы кәсіби қызмет көрсету.

Конкурсқа қатысушыларға қойылатын талаптар:

• білімі жоғары кәсіби;
• мамандығы бойынша экономика саласы кәсіпорнының бейініне сәйкес басшы лауазымдарда кемінде 5 жыл жұмыс өтілінің болуы;
• осы санаттағы нақты лауазым мамандарына сәйкес, салалардағы қатынастарды реттейтін Қазақстан Республикасының нормативтік-құқықтық актілерін білу;
• Word, Excel бағдарламалары бар дербес компьютермен жұмыс жасай білу, Интернет, электрондық поштасындағы жұмыс дағдылары;
• лауазым бойынша функционалдық міндеттерді орындау үшін қажетті міндетті түрдегі басқа да білімдерді меңгеру.

Әңгімелесуге жіберілген кандидаттар конкурс жариялаған Материалдық-техникалық қамтамасыз ету басқармасында конкурсқа қатысуға рұқсат етілген тұлғалардың тізімі бекітілгеннен кейін күнтізбелік он күн ішінде өтеді.

Конкурсқа қатысу үшін ұсынылатын құжаттар тізімі: 

1. Конкурсқа қатысу туралы өтініш;
2. Мемлекеттік және орыс тілдеріндегі түйіндеме;
3. Еркін түрде жазылған өмірбаяны;
4. Білімі және еңбек өтілі туралы нотариалдық бекітілген құжаттар көшірмесі;
5. Нысан бойынша денсаулығы туралы анықтама;
6. Қазақстан азаматтығының жеке куәлігінің көшірмесі.

Құжаттарды қабылдау конкурс өткізу туралы хабарландыру бұқаралық ақпарат құралдарында жарияланған күннен бастап 15 КҮНТІЗБЕЛІК КҮН өткеннен кейін аяқталады.

Құжаттарды қабылдау және конкурс мына мекенжайда өтеді: Нұр-Сұлтан қаласы, Мәңгілік ел даңғылы, 8 үй, Министрліктер үйі, 12 кіреберіс, А314 кабинет, анықтама телефоны (7172) 74-74-68, (7172) 74-74-60.